na ang napadpad dito simula noong Oct17,2k6 02:13pm

Paunawa: Ang weblog na ito ay mas maganda kung titignan sa Mozilla Firefox. Wala ka nun? I-click mo lang ito at magdownload

Sino ba ang tunay na number one?

Ang Proyekto

Nang nagsimulang magkasaysay ang buhay ng mga kabataan ngayon, buhay na buhay na ang labanan sa pagitan ng dalawang estasyon sa telebisyon, ang ABS-CBN at ang GMA. Lahat ng sikat at popular na palabas, na artista, nandirito sa dalawang estasyong ito. Ngunit hinding-hindi talaga masasabing ang isa ay as lamang sa kabila. Marami na tayong napapakinggan na ang taas daw ng ratings ng palabas na ito, o kaya’y mas maraming nanonood ng estasyong ito. Sari-saring mga angkin mula sa dalawang magkalabang estasyon.

Sa proyektong ito para sa PanPil17, napag-isipan ng grupo na pag-aralan ang labanan sa pagiging popular nitong dalawang estasyon. Ano ba ang mga sikat na palabas ngayon o kaya ay iyong mga palabas na pinapanood ng mga tao sa dalawang estasyon? Ano kaya ang batayan kung bakit nagiging sikat ang isang palabas? Dahil ba ito sa istorya mismo? O di kaya’y sa mga artista na gumaganap ng mga tauhan sa palabas? Totoo bang mas mataas ang ratings ng isang estasyon pag ikinumpara sa kabila? Ito’y mga tanong na gustong masagot ng grupong ito.

Sa pag-aaral na ito, nagkaroon ng interbyu ang grupo sa UP Diliman kung saan itinanong nila ang mga tao doon kung ano ang mga paborito nilang palabas sa Primetime Bida ng ABS-CBN at sa GMA Telebabad. Tinanong din ng grupo kung bakit nila nagustuhan ang palabas na ito at kung bakit pinili nila ang estasyong iyon. At sa mga naiterbyu nila, titingnan nila kung saang estasyon ang mas maraming manonood na humahanga. Dito na nila ibabase kung saang estasyon ang mas popular sa mga Pilipino ngayon.

Mga Konsepto

Maipapasok dito ang konsepto ng batayan sa pagiging popular. Matatandaan na napagusapan sa klase ang mga salik sa pagiging popular ng isang bagay o ng isang palabas. Kasama sa mga ito ang pagkapatok sa masa, na sinubukang palitawin ng grupo sa pamamagitan ng pagiinterview sa mga ordinaryong mamamayan na nakakasalubong lamang natin araw araw.

Bakit weblog ang napiling medium?

Weblog ang napiling medium ng grupo dahil sa panahon ngayon ng Computer Age, madali nang makapagbigay ng impormasyon gamit ang Internet. Gusto rin palitawin ng grupo ang maraming posibilidad na matutuklasan sa paggamit ng Internet. Makikita rin dito ang pagiging walang katapusan ng Web dahil sa bawat pagpindot mo sa mga links, ikaw ay madadala sa iba nanamang site.

GMA Kapuso Telebabad Shows

Mars Ravelo's Captain Barbell

by Ning Borreta

Matapos ang pangunahing pagganap ni Richard Gutierez sa Mulawin, muli na naman nyang bibigyan ng karakter ang isang pagiging tagapagligtas sa katauhan ni Captain Barbel. Kaiba sa mga naunang kuwento ng Captain Barbel,sa ibang paraan nakuha ni Teng,(captain barbel) ang agimat na nagbibigay sa kanya ng kapangyarihan. Makikita na bumabagay kay Richard ang pagganap na ito dahil sa taglay niya ang pagunahing pisikal na katagian ng Pinoy Superherong ito-ang maganda at maskuladong katawan.

Gayunpaman ang isang bagay na mapapansin sa fantaseryeng ito na lubos na hindi inaayuman ng mga taong tumatangkilik din sa mga banyagang palabas ay ang tila paggaya ng nasabing programa sa SmallVille,isang series sa Amerika hinggil sa kaganapan sa buhay ng kanilang superherong si Superman. Ito ang dahilan sa mga negatibong reaksyon at pagkutya sa fantaseryeng ito. Hindi naman ito maitatanggi ng mga taong nasa likod ng palabas dahil pansin agad ito ng marami. Ipinakikita lamang ng pangyayaring ito ang malaking epekto ng dominanteng kultura ,ang kanluranin, sa bansa natin ngayon. Nakalulungkot isipin na tila natatali ang maraming programa ngayon sa telebisyon sa mga “trends” na pinasisimulan ng ibang maimpluwensiyang bansa. Ang panggagayang ito ang animo’y nagpawala ng identidad ni Captain barbell bilang Pinoy Superhero.

---

Atlantika

by Ning Borreta

Ang pinkabagong fantaseryeng ito sa GMA na pinagbibidahan ni Dingdong Dantes bilang aquano ay isa na naman sa talagang pinagkakagastusan ngayong ng nasabing network. Makikita ito sa mga naggagandahang kostyum ng mga tauhan na umaakma sa karakter na kanilang ginaganapan. Nakatutuwa ang mga special effects na ginagamit sa naturang palabas na nagpapakita na kaya rin ng Pilipino ang gumawa ng makatotohanang computer graphics. Ilan sa mga kapansin-pansin sa palabas na ito ay ang impluwensiyang banyaga sa mga ginamit na setting sa palabas. Ang isla nag mga kakaibang nilalang sa palabas na ito ay parang sa Atlantis ng ibang bansa. Dito naman ay makikitang positibo ang epekto ng kulturang kanluranin dahil sa magandang pagbabagong dulot ng kanyang impluwensiyan sa ating lokal na maaksyong palabas pantelebisyon.

---

Bakekang

By Keslee Ang

Sa bawat palabas, bawat istorya, ang bida ay laging maganda o kung hindi naman ay gwapo. Hindi na nabibigyan ng pansin ang mga hindi gaanong nabiyayaan pagdating sa pisikal na kagandahan. Ginagawa silang mga alalay, mga kaibigang komedyante, mga katulong; lagi silang napapabayaan. Ngunit ngayon, muli na namang ipapalabas ang dating pelikula na ngayon ay teleserye na, ang Bakekang. Nakapagpapaalala rin ito sa kuwento ni Betty La Fea.

Ang teleseryeng ito ay kuwento ng isang pangit na babae na may mabait na kalooban. Ngunit sa kabila ng kabaitang ito, hindi pa rin siya napapansin at napapahalagan ng mga taong hanggang mukha lang niya ang nakikita. At ito lang naman ang tangi niyang hinihiling, ang matanggap ng mga tao kahit na siya ay hindi kagandahan. Ang mabuhay ng kahit papano ay minamahal; isang bagay na pinagkait sa kanya ng mundo. Dinirek ni Carlo J. Caparas. Si Bakekang na dati ay ginampanan ni Nora Aunor, ngayon ay gagampanan ni Sunshine Dizon.

Mga tagatangkilik ni Nora Aunor at ang iba pang mga manonood ay tila magugustuhan ang palabas na ito. Lahat ay nais mapanood kung papano si Bakekang ay lalabas mula sa isang kinukutya at tinatawanang babae papunta sa katayuan ng tagumpay at katanyagan. Kung papano niyang maipakita ang kanyang kakayahan na maging isang kagalang-galang na babae. Saksihan ang katapangang ipapakita ni Bakekang sa pagharap sa lahat ng pagamaliit na ginagawa niya at ang laban niya patungo sa kanyang hantungang maging katanggap-tanggap at kagalang-galang.

---

Love Story in Harvard

By Keslee Ang

Ang pag-ibig, dumadating nang hindi inaasahan. Tulad ng pagmamahalang nakuha nila Allison at Dustin nang sila ay nag-aaral sa Harvard University sa Estados Unidos. Nakilala ng mga Pinoy si Allison (Kim Tae Hee) bilang si Eunice sa Koreanobelang Stairway to Heaven, at si Dustin (Kim Rae Won) bilang si Kevin ng isa pang Koreanobelang pinamagatang Attic Cat.

Nagsisimula ang istorya sa unang pagkita nila Allison at Dustin, kung saan nagkamali ng akala si Dustin, isang estudyante ng law, sa pagkakakilala niya kay Allison. Ngunit nalaman din niya na isang estudyante pala ng medisina si Allison na kumuha ng maraming trabaho para kumita ng pera para sa kanyang pag-aaral at para masuportahan ang kanyang pamilya. Dumaan ang panahon at natutunan din nilang mahalin ang isa’t isa. Ngunit dahil sa pagdating ng isang kaklase ni Dustin na si Alex, nagkaroon siya ng katapat, di lamang sa klase kundi pati na rin sa pagmamahal ni Allison. Pero hindi lamang si Alex ang nag-iisang dahilan kung bakit hindi pwedeng mahalin ni Allison si Dustin. Ang pagmamahalan ba nila ay magpapatuloy sa kabila ng mga balakid na hinahadlangan ito?

Ang mga romantiko ay tila magugustuhan ang palabas na ito dahil sa mga eksenang hatid ay kilig sa mga bata’t matatanda. Ipinapakita dito kung papano ang isang pagmamahalan sa pagitan ng dalawang tao ay kayang mabuhay at mamulaklak sa isang dayuhang bansa. At hindi na rin nakakasakit na ang paksang pagmamahalang habang-buhay ay napakapopular sa mga romantiko ngayon na parang lahat ng mga romantikong genre ng mga palabas ngayon ay patok na patok.

---

ABS-CBN Kapamilya Primetime Bida

Kapamilya Deal or No Deal

By Keslee Ang

Nagsimula sa Pinoy Big Brother, ang pangalawang prangkisya ng ABS-CBN sa Endemol ay pinamagatang Kapamilya Deal or No Deal. Ito ang panibagong game show sa Primetime Bida na kung saan ang maglalaro ay may pagkakataong manalo ng piso hanggang dalawang milyong piso. Ang host nito ay ang Queen of Talk na si Kris Aquino.

Ang game show na ito ay punong-puno ng tension magmula sa pagpili ng isang briefcase sa dalawampu’t anim hanggang sa tumagal ang laro. Ang bawat briefcase na ito ay may tag-iisang amount na naghahalaga mula isang piso hanggang dalawang milyong piso. Kapag nakapili na ang manlalaro na briefcase niya, pipili siya ng limang briefcase sa natitirang dalwampu’t lima. Kapag nabuksan na ang mga limang briefcase, mag-aalok ang Banker ng halaga kapalit ng briefcase na hawak ng manlalaro. Pagkatapos ay tatanungin ng host ang napaksikat na Deal or No Deal na tanong. Kapag No Deal ang pinili, magpapatuloy siya at bubukas ng apat pa. Ganito ang daloy ng laro kapag nilalaban ng manlalaro ang briefcase niya, pagkatapos ng apat ay tatlo, dalawa, isa, hanggang isang briefcase na lamang ang maiiwan at doon na malalaman ng manlalaro kung magkano ang maiuuwi niya. Kapag Deal naman ang pinili ng manlalaro, ang ibig sabihin noon ay tinatanggap na niya ang alok ni Banker na halaga kapalit ng briefcase niya.

Hanggang ngayon ay wala pa rin, ni isa, ang nakakapanalo ng dalawang milyong piso. At dahil dito at sa drama na nagaganap tuwing may panibagong manlalaro, naaakit ang mga manonood. Napapadila sila sa sigawang Deal at No Deal at sa mga emosyong nararamdaman ng mga manlalaro. Isang napakadali at napakahirap na game show kung saan hindi utak ang ginagamit para makapasok kundi diskarte at suwerte.

---

Super Inggo

by Ning Borreta

Ang pagbibida ng isang batang makulit, mapagmahal sa ina at buo ang loob na tuparin ang kanyang pangarap ang lalong nakapanghikayat sa mga manonood nito na tangkilikin ang buhay ng bagong superherong si Super Inggo. Kumpara sa mga nagsusulputang fantaserye ngayon ang super Inggo ang nagpapakita ng kakayahan na maging malakas ang tinuturing na mahina sa lipunan—ang mga musmos na bata. Dahil sa kabibuhang taglay ng mga pangunhaing tauhan,marami ang naaaliw dito kaya naman nakakuha agad ito ng positibong reaksyon mula sa mga kritiko ng mga programang pantelebisyon.

Kung susuriin ang palabas na ito, isa na sa ikinatagumpay nito ay epektibong pagpili ng klase ng bidang malaki ang tsansang makita ng mga target nitong manonoo ang kanilang mga sarili -- ang mga bata. Ang pagkainosente ng mga naturang bida ang isang paraan din upang ipahatid sa mga manonood nito nag pagiging mabuti nitong panoorin at mapahintulutan ang kanilang mga anak na panoorin ito bagamat kung tutuusin ay naglalaman din ito ng labanan at karahasan. Tulad ng sa mga patalastas ng mga produkto ang isa sa mga maaaring anggulong dapat tignan sa palabas na ito.

---

Maging Sino Ka Man

by Ning Borreta

Ang temang hindi na bago sa mga dramang pantelebisyon, ang pag-ibig, ang muling binibigyan ng kuwento ng pinakabagong teleserye sa ABS-CBN ang “Maging Sino Ka Man”. Bagaman nakakahalintulad nito ang mga natapos nang kuwentonmg pag-ibig, ang mahusay na pagganap lalo na ng mga panauhing tauhan na gumanap na rin naman sa ganitong klaseng palabas, ang talaga namang nagdudulot sa nasabing programa upang maging kaabang-abang.

Tulad ng sekswalidad ng tao na nagdidikta sa bawat isa ng dapat ikilos sa lipunan ang katayuan ng mga panauhing tauhan dito. Sila ay nabibilangg sa dalawang magkasalungat na katayuan…ang pagiging mayaman at mahirap. Ang kahirapan ang nagtulak sa kapatid ni Eli na sumama sa pagkidnap sa tanging tagapagmana na si Jackie. Ang ilang hindi nagtagumpay na pagnais ni Eli na maka-usap ang ama ni Jackie ay tila indikasyon ng pagiging hadlang ng kanyang pagiging mahirap na makausap ang isang makapangyarihang tao. Sa kabilang banda, ang mayaman na si Jackie ay natali naman sa isang kasal na bagamat labag sa kanyang loob, ay sinunod niya bilang tugon na rin sa pagnanais ng kanyang ama. Isang uri ng kasal na madalas na nagaganap sa pagitan ng mga mayayamang taong nais pangalagaan ang kanilang yaman.

---

Crazy For You

By Keslee Ang

Ang Toni-Luis love team ay masasaksihan na sa bagong teleserye ng ABS-CBN na pinamagatang Crazy for You. Tulad ng mga Koreanobelang Only You at Lovers in Paris, ang teleseryeng ito ay kinunan sa Barcelona at Ibiza, sa Spain. Ang bawat Pilipino ay masisiyahan dito dahil ang pinapalabas dito ay ang kuwento ng mga Overseas Filipino Workers sa Spain at kung papano sila namumuhay doon. Dagdagan pa ng tuwa at lungkot na hatid ng mga characters na ginagampanan ng iba-ibang artista na bumubuo ng teleseryeng ito.

Umiikot ang kuwento kay Janice (Toni Gonzaga) na isang OFW sa Spain na nagtatrabaho bilang katulong sa napakaraming bahay para lamang matulungan ang kanyang pamilya—ang pag-aaral ng kapatid niya at ang panggamot sa sakit ng tatay niya. Si Wacky (Luis Manzano) ay ang isa sa mga may-ari ng mga bahay na pinagtatrabahuan niya. Pinaaral siya sa Spain ng kanyang tatay na dating OFW din doon. Hinding-hindi sila nagkikita ni Wacky kaya hindi rin sila magkakilala.

Ngunit dahil sa pagkakataon, nagkita sila at nagkakilala bilang isang estudyanteng Pinoy at isang Pinay na nangangang Louis Gabbana — mayaman, sosyal, at impluwensyal. Sa pagpapanggap na ito, mananalo ba ang pag-ibig nila sa isa`t isa o maglaho rin ito pag lumabas na ang katotohanan? Pwede ba talagang mabuhay ang isang pagmamahalan ng nagmula sa isang kasinungalingan? At ang mga katanungang ito ang umaakit sa mga nanonood para abangan ang mangyayari sa pagmamahalan nila Wacky at Janice.

---

Pinoy Dream Academy

by Keslee Ang

Ang Pinoy Dream Academy ay ang pinakabagong reality show sa Pilipinas, mula sa mga nasa likod ng Kapamilya Deal or No Deal at ng Pinoy Big Brother. Dito binibigyan ng pagkakataon ang mga ordinaryong tao na may talento sa pagkanta na makamit ang kanilang mga pangarap. Sikat na ito sa iba’t ibang parte ng mundo at may tinawag na rin sa ibang pangalan. Ang orihinal na pangalan nito ay Star Academy, ngunit kilala ito bilang Project Fame sa Africa at The One: Making a Music Star sa Estados Unidos. Ang mekaniks ay ganito: ang mga iskolar ay maninirahan sa isang akademiya kung saan tuturuan sila ng head master at ng iba pang mga guro ng iba’t ibang leksyon sa pag-aaral para maging isang performer. Araw-gabi sila ay inoobserbahan ng mga nakatagong kamera sa bawat sulok ng akademya at mayroon din silang lingguhang live performance kung saan maipapamalas nila ang kanilang mga natututunan sa loob ng akademiya. Dito tinitingnan ng mga jurors kung sino sa tingin nila ang apat na iskolar ang dapat maging probationary scholar base sa kanilang performance. Ang hindi maililigtas ng mga nanonood, ng mga guro, at ng mga kapwa iskolar ay ang mapapaalis sa akademiya. Ang mga humahanga sa reality show na Pinoy Big Brother ay matutuwa dito sa Pinoy Dream Academy. Dahil tulad sa PBB, nakakulong din ang mga iskolar sa isang bahay o sa kaso dito, sa isang akademiya. Ang naiiba nga lang dito ay hindi sila binabawalang makakita ng ibang tao o kaya ay makaalis ng akademiya. Pero dahil nasa isang bahay lamang ang mga iskolar, hindi natitigilan ang magkaroon ng mga away sa pagitan ng mga iskolar lalo na at nasa isang kumpetisyon sila. Isa pang dahilan ay ang pagkakaiba ng kanilang mga ugali. Hindi natitigilang magkaroon ng mga grupo, tulad ng pagkakahiwalay ng mga Bisaya sa mga Tagalog, sa mga taga-ibang bansa. Ngunit sa likod ng lahat ng ito, nakikita natin ang paghihirap nila na makamit ang mga pangarap na matagal na nilang inaasam-asam.

---

Interviews

credits

Photos hosted by Photobucket

Videos hosted by youtube

Show informations and pictures from abs-cbn.com and igma.tv

Layout made using Photoshop CS2

Original Layout and scripts by Anjelynn Mae S. Guanlao

This site is powered by blogger

Mag-comment! Mag-tag! Ito na ang pagkakataon mo!